٢٥ی کانوونی دووەم، ٢٠٢٥، هەولێر، عێراق – سیمپۆزیۆمی نێودەوڵەتیی زانستە تەندروستییەکان و پەرستاری (IHSAN)، کە لەلایەن سەنتەرى توێژینەوەی دەزگاى روانگە، بە هاوبەشى لەگەڵ زانکۆی لوبنانی-فەڕەنسی (LFU) ، لە هۆڵی زانکۆی لوبنانی-فەڕەنسی بەرێوەچوو. ئەم ڕووداوە گرنگە کۆمەڵێک زانای جیهانی، پسپۆڕە تەندروستییەکان ، توێژەر و بڕیاردەری سیاسەتی تەندروستی کۆکردەوە بۆ ئەوەی ڕووبەڕووی گرفتە سەرەکییەکانی کەرتی تەندروستی  ببنەوە و ڕۆڵی گرنگی پەرستاری لە باشترکردنی دەرئەنجامەکانی تەندروستی گشتی گفتوگۆ بکەن.

دیدارى IHSAN وەک ناوەندێک بۆ ئەکادیمییەکان، توێژەران، و خوێندکارانی خوێندنى باڵا بوو بۆ پێشکەشکردنی دەرئەنجامەکانی توێژینەوەیان لە بوارە تەندروستییەکان  و زانستە پزیشکییەکان. کۆی گشتیی ١٠ توێژەر بیرۆکەی پێشکەوتوو و توێژینەوەی داهێنەرانەیان پێشکەش کرد، کە بریتی بوون لەمانەی خوارەوە

• رەیان مازن جەعفەر
  ناونیشانی توێژینەوە  ( Circular RNAs as Key Regulators in Cancer Hallmarks: New Progress and Theraputic Opportunities)
• رەمەند محمد حاجی
  ناونیشانی توێژینەوە (Incidence of Needle Stick Injuries and Behavior After Injuries Among Nurses in Sulaimani Hospitals)
• لاوین هاشم داود
  ناونیشانی توێژینەوە (Peptic ulcer disease (PUD) is a multifactorial disease whose global prevalence has reduced over the past years)
• کارێز عبدالغنی عمر
  ناونیشانی توێژینەوە (EVALUATION OF MEDICATION ADHERENCE AND DRUG-RELATED PROBLEMS AMONG RHEUMATOID ARTHRITIS PATIENTS IN ERBIL CITY)
• راچین سالح حاجی
  ناونیشانی توێژینەوە (Obesity Among School-age Children from Zakho (Kurdistan, Iraq) is Linked to Viewing Screen Media)
• زیکرا علی عزیز
  ناونیشانی توێژینەوە  (Neck Pain in University Students and Electronic Devices Use)
• شەنگ خەلیل عبداللە
  ناونیشانی توێژینەوە (Inguinal Herina Repair in the Peadiatric Surgery Un it at Shar Hospital, sulaymaniah)
• نوور عبدالرحمن خالص
  ناونیشانی توێژینەوە (Impact the distributionof multidrug-resistant (MDR) , Extensively drug-resistant (XDR), and pan drug-resistant (PDR) in Escheria coli isolated from different clinical samples)
• مونا محمد نەجیب
  ناونیشانی توێژینەوە (Prevalence of Multidrug resistance Gram Positive bacteria among Patients with Bacteraemia in Erbil Governorate/Iraq)
• رێباز سدیق اسماعیل
  ناونیشانی توێژینەوە ( Prevalence of Multidrug resistance Gram Positive bacteria among Patients with Bacteraemia in Erbil Governorate/Iraq)
• نەجدەت تاقی حەمە
  ناونیشانی توێژینەوە (Prevalence of Multidrug resistance Gram Positive bacteria among Patients with Bacteraemia in Erbil Governorate/Iraq)
  
  

هەروەها ١٠ توێژینەوەی تر لەڕێگەی پۆستەرەوە پێشکەشکران، گفتوگۆیەکی پانێل بەڕێوەچوو لە بارەی (رێگاکانی کەمکردنەوەی فشارەکانی تەندروستی لە کوردستان) کە تیایدا گەنگەشەی بابەتەکە کرا بۆ هەماهەنگی زیاتری بڕیاردەرانی سیاسەتی تەندروستی و پزیشکان و مامۆستایانی زانکۆ.

خاڵە سەرەکییەکانی سیمپۆزیۆمەکە بریتی بوون لە:

• بەشداریی شارەزایان: دیدارەکە میوانداریی شارەزایانی جیهانی لە زانستە پزیشکی و تەندروستییەکان، لەگەڵ نوێنەرانی دامەزراوە حکومی و ناحکومییەکان کردبوو.

• پێشکەشکردنی توێژینەوە: ١٠ توێژەر توێژینەوەی پێشکەوتووی خۆیانیان پێشکەشکرد دەربارەی گرفتە جیهانی و ناوچەییەکانی تەندروستی ، بە سەرنجدان لەسەر باشترکردنی جۆری چاودێرییە تەندروستییەکان لەناو کۆمەڵگە.

• گفتوگۆی پانێل: گفتوگۆیەکی هیوا بەخش، بیروڕای جیاواز دەربارەی داهێنانە تەندروستییەکان و ڕۆڵی پەرستاریی لە تەندروستی گشتی پێشکەش کرا.

• هەلەکانی پەیوەندیکردن: سیمپۆزیۆمەکە رێگاى نوێى پەیوەندیی دروست کرد لەنێوان پسپۆڕان، توێژەران، و بڕیاردەرانی سیاسەت، تا هانی هاوکاری هەمەلایەنە بدات بۆ باشترکردنی سیستەمی تەندروستی  لە کوردستان.

دیدارەکە جەختی کردەوە لەسەر ڕۆڵی گرنگی پەرستاری لە تەندروستی  گشتی، پێشگیریی لە نەخۆشی، و چاودێریی نەخۆش. هەوڵەکانی داکۆکیکردن لە نەخۆش بۆ باشترکردنی گەیشتن بە تەندروستی، و کەمپینەکانی پەروەردەی تەندروستی   کە هۆشیاری دروست بکات دەربارەی ڕێگرتن لە نەخۆشی.

"سیمپۆزیۆمی IHSAN هەنگاوێکی گرنگ بوو لە هەوڵەکانمان بۆ ڕووبەڕووبوونەوەی گرفتەکانی تەندروستی   لە ناوچەکەماندا. بە کۆکردنەوەی شارەزایان، توێژەران، و بڕیاردەرانی سیاسەت، ئامانجمان ئەوەیە داهێنان و هاوکاری لە زانستەکانی تەندروستی  و پەرستاریدا دروست بکەین،" د.کارزان محمد بەڕێوەبەری سەنتەری توێژینەوەی روانگە.

"پەرستاران پاڵپشتی سیستەمە تەندروستییەکانن. ئەم دیدارە نەک هەر سوپاسی بەشداریی بەنرخیان دەکات، بەڵکو ناوەندى گفتوگۆی ستراتیژییە بۆ باشترکردنی ڕۆڵیان لە ڕووبەڕووبوونەوەی کێشە کورت و درێژخایەنەکانی تەندروستی" د.بەشدار مەحمود راگری کۆلێژی زانستە تەندروستییەکان لە زانکۆی لوبنانی-فەڕەنسی.

بۆ زانیاری زیاتر، پەیوەندی بکەن بە:

سەنتەری توێژینەوەی روانگە 

ئیمەیل: Research@rwanga.org

تەلەفۆن: ٠٧٥٠٤٤٩٧٤٥٦

ماڵپەڕ: www.rwanga.org