سەبەتەى خۆراک لە سەرتاسەری هەرێمی کوردستان

بەبۆنەی هاتنی مانگی پیرۆزی ڕەمەزان و جەژنی رەمەزان، دەزگای روانگە وەك بەشێك لە چالاکییە مرۆییەکانی حەوت هەزار سەبەتەی خۆراکى لە سەرتاسەری هەرێمی کوردستان دابەشکرد.

​لە رێکەوتی 6ی نیسانی 2024، دەزگای روانگە دەستیکرد بە دابەشکردنی 7000 سەبەتەی خۆراک بۆ خێزانە کەم دەرامەتەکان کە پێویستیان بە هاوکاری بوو لە هەرێمی کوردستان ، وەك بەرز راگرتنێک بۆ مانگی رەمەزان و جەژنی رەمەزانی پیرۆز. پرۆسەی دابەشکردنەکە بۆ ماوەی چوار ڕۆژ بەردەوام بوو و ئامانجی دابینکردنی ماددەی خۆراکی پێویست بوو بۆ خێزانە کەم دەرامەتەکان. داتا و زانیاری خێزانەکان بە هاوکاری لەگەڵ پارێزگا و ناوەندی هاوبەشی هەماهەنگی قەیرانەکان لە هەر پارێزگایەکدا کۆکرانەوە.

پلانی دابەشکردنەکە بە شێوازێکی ورد داڕێژرا،  بە جۆرێک لە شاری هەولێر 2220  سەبەتە دابەشکرا. 2030 سەبەتە لە دهۆك و 1250  سەبەتە لە سلێمانی، جگە لەوەش 500 سەبەتە بۆ کەرکوک، و 1000 سەبەتە بۆ هەڵەبجە دابینکرا.

هەر سەبەتەیەکی خۆراک لە 13 مادەی خۆراکی پێویست پێکهاتبوو کە بریتی بوو لە برنج، زەیتی خواردن ، دۆشاوی تەماتە شەکر ، چا ، نیسك  ، فاسۆلیای سپی و چەند ماددەیەکى ترى خۆراکى پێویست.

دوای تەواوبوونی پڕۆسەی دابەشکردنەکە، دەزگای روانگە هەڵسەنگاندنێکی وردی ئەنجامدا بۆ دڵنیابوونەوە لە کاریگەری و کارایی پرۆسەی دابەشکردنەکە، و دڵنیابوون لەوەی کە دەستپێشخەریەکە بە شێوەیەکی دروست گەیشتووەتە خێزانەکان و توانراوە کەلوپەلی خۆراکی پێویستیان بۆ دابین بکرێت لە مانگی رەمەزان و جەژنی ڕەمەزانی پیرۆزدا.

دەزگای روانگە پابەندە بە گەیاندنی ئەرکی خۆی بۆ باشترکردنی ژیانی کەسانى لێقەوماو لە سەرانسەری هەرێمی کوردستان و عێراق.