سامی میرخان محمد خودانێ پرۆژێ مێشێن هنگڤینی یە , وی شارەزاییەکا باش هەیە د بوارێ خودانکرنا مێشێن هنگڤینی و بەرهەمئینانا هنگڤینی. مێش دهێنە بخودانکرن ل جهێن جودا جودا ل قەزا ئامێدیێ، گۆندێن بەرواری باڵا و چیایێ گارە. ب رێکا پروژێ ڤەژین سامی قەرزەکێ بێ زێدەهی ب دەستخۆڤەئینایە.

د سالا ٢٠٢٠ دا، سامی پێشکێشی پرۆژێ ڤەژین کر کو دهێتە ب رێڤەبرن ژ لایێ رێکخراوا LWF ب هەڤکاری دگەل دەزگەهێ روانگە و رێکخراوا کاپنی هەروەسا تروڤالۆ.کۆژمێ قەرزێ بێ زێدەهی ژبو ڤی پرۆژەی هاتيە پێشکێشکرن، هەروەسا ژمارەکا ڕاهێنانێن تەکنیکی و پیشەیی و فێرکاری ژلایێ رێکخراوا کاپنی بو پێشڤەبرن و بەرفرەهکرنا کارێ وی، دگەل ژمارەکا خول و چالاکیێن هەڤگرتنا جڤاکی بو وی و ژمارەکا کارمەندێن وی ژبو دروستکرنا ژینگەهەکا کاری یا ئەرێنی و بەرفرەهکرنا تورا پەیوەندیێن جڤاکی وکاری یێن بەشداربویان هاتینە پێشکێشکرن ژلایێ دەزگەهێ روانگە ڤە.

ب رێیا پشتەڤانیا دارایی یا هاتیە وەرگرتن، سامی ژمارەکا کەرەستێن نوی بو پرۆژێ خو کرینە وەکو (شانێن هنگڤینی، جل و بەرکێن خو پاراستنێ، هەروەسا کریا پارچا ئەردی). ل دەمێ نهو، هەشت کارمەند ژ هەردوو رەگەزا کو خەلکێ خو جهـ و ئاوارەنە د ڤی کاری دا شول دکەن.

سامی پێشبینیێ دزێدەبونا قازانجێ سالانە یێ پروژەی دا دکەت ل دوماهییا ئەڤ ساڵە دا، هەروەسا پلان یا هەی بو زێدەکرنا دەلیڤەیێن کاری بۆ خەلکێ دەڤەرێ ژ ئایین و نەتەوێن جودا جودا.