هەولێر (14ی ئابی 2024) – دەزگاى روانگە بە هاوکاری هێزەکانی هاوپەیمانان - ئیتاڵیا، بە خۆشحاڵییەوە خولی فێربوونی چێشتلێنانى ئیتاڵی راگەیاند، کە دەرفەتێکی ناوازەیە بۆ بەرزکردنەوەی تواناکانی چێشتلێنان و پێشکەشکردنی ئەزموونێکی ڕاستەقینەی چێشتلێنانى ئیتاڵی بۆ لاوان.

خولەکە لە چێشتخانەی بەناوبانگی مانگیا ئیتالیا لە شاری هەولێر بەڕێوەدەچێت ، لەخولەکەدا 25 گەنج بەشداری دەکەن- لە هەردوو ڕەگەزی نێر و مێ- کە سوودمەند دەبن لە ڕێنماییەکانى چێشتلێنەرە بەتوانا ئیتاڵیەکان. ئەم پرۆگرامە ڕاهێنانە 15 ڕۆژە و کۆی گشتی 75 کاتژمێر دەخایەنێت، ئەزموونێکی پەروەردەیی بێهاوتای نوێ دەبێت کە لە فێربوونى خواردنی ئیتاڵی.

وەک دیارییەکی بەخشندەی هێزەکانی هاوپەیمانان - ئیتاڵیا، ئەم خولە نوێنەرایەتی پابەندبوونێکی بەرچاو دەکات بۆ پەروەردەکردنی ئاڵوگۆڕی چێشتلێنان و پەرەپێدانی لێهاتوویی نێودەوڵەتی. چێشتلێنەرە ئیتاڵییەکان زانیاری و شارەزاییە بەرفراوانەکانیان دەبەخشن بەبەشداربووان ، ئەمەش تێگەیشتنی بەشداربووان لە تەکنیک و نەریتی چێشتلێنانەکانی ئیتاڵی دەوڵەمەندتر دەکات.

شەهرام شەریف، ڕێکخەری پڕۆژە لە دەزگاى روانگە، رایگەیاند "ئێمە زۆر خۆشحاڵین کە ئەم دەرفەتە ناوازەیەی فێربوون پێشکەش بە کۆمەڵگاکەمان دەکەین. خولی فێربوونی چێشتلێنەری ئیتاڵی نەک تەنها کارامەیی بەنرخی چێشتلێنان پێشکەش دەکات بەڵکو پەیوەندییە کولتوورییەکانیش بەهێز دەکات لە ڕێگەی هونەری چێشتلێنەرە ئیتاڵییەکانەوە".

ئەم دەستپێشخەرییە دەزگاى روانگە جەخت لەسەر فراوانکردنی دەرفەتەکانی خوێندن و پێشخستنی دەوڵەمەندکردنی کولتووری دەکاتەوە.هەروەها ئامانجیەتى بنەماکانى فێربوونى چێشتلێنان لە هەولێر بەرز بکاتەوە و کاریگەریی بەردەوام لەسەر گەشەی پیشەیی بەشداربووان دروست بکات.