بەبۆنەی وەرزی بەهار و بۆنەکانی نەورۆز، رۆژانی هەینی هاونیشتیمانییەکی زۆر سەردانی سەیرانگاکان دەکەن. هەروەها دوای گەڕانەوەی هاووڵاتیان

 بەشێکی زۆر لە پاشماوە و زبڵ لە سەیرانگاکان کەڵەکە دەبن.

 بەرواری ٧ ی نیسانی ٢٠١٧ بە مەبەستی هۆشیاریدان و هاندانی هاوڵاتیان بۆ پاکترڕاگرتنی سەیرانگاکانی سنوری شاری هەولێر، دەزگای روانگە بە هەماهەنگی گروپێکی خۆبەخش هەڵمەتێکی خۆبەخشی ئەنجامدا

 بۆ پاککرتدنەوەی سەیرانگاکان.

هەڵمەتەکە ئامانجی پاککردنەوەی سەیرانگاکان بوو لە پاشماوە و زبڵی هاوونیشتیمانیان. ئاری عەلادیین رێکەخەری هەڵمەتەکە لە دەزگای روانگە گوتی " ژینگەیەکی باش و پاک، گاریگەی لەسەر

 شێوازی ژیانی هاوونشتیمانیان هەیە و پاککراگرتنی شوێنەکان نمونەیەکی جوان و شانازییەکی نیشتیمانییە. ئەمڕۆ کەلو پەلی پێویستمان لەگەڵ خۆمان هێناوە بۆ خۆبەخشەکان و هەروەها ژمارەیەکی

 زۆر کیسی نایلۆنمان لەگەڵ خۆماندا هێناون بۆ ئەوکەسانەی لە سەیرانگاکانن تاوەکو دوای رۆیشتنیان لە سەیرانگاکان زبڵ و خاشاکی دوای خۆیان کۆبکەنەوە".

 جیا لە بەشداری چەندین کارمەندی دەزگای روانگە، گواستنەوە و کەلو پەلی پێویستی وەکو دەستکێش، دەمامک و کیسی نایلۆن لەلایەن دەزگای روانگەوە دابینکران بۆ خۆبەخشان. 

ساڤانە هەڵگوردی تەمەن ١٦ ساڵ یەکێک بوو لەوخۆبەخشانە و گوتی " کۆمەڵگە سودێکی زۆری بەمن گەیاندووە، ئێستا کاتی ئەوەیە منیش سوود بەکۆمەڵگە بگەیەنم لەرێگەی 

کاری خۆبەخشی. هەروەها دەمەوێت ببمە نمونەیەکی سەرکەوتوو  بۆ هاوتەمەنەکانی خۆم تاوەکو ئەوانیش کاری خۆبەخشی بکەن. "

لاژە کوردە کە خۆبەخشەکانی کۆکردبووەوە بۆ هەڵمەتەکە باسی لەوەکرد هۆشیاری پاکڕاگرتنی ژینگە زۆر گرنگە. هەروەها گوتی "  پاکڕاگرتنی ژینگە زۆرگرنگە و

 پێویستە هاونیشتیمانیان هاوکاربن لە پاراستنی''.

هەڵمەتەکە کاتژمێر 10ی بەیانی دەستیپێکر  تاوەکو کاتژمێر3ی دوای نیوەڕۆ بەردەوامبوو، لە هەڵمەتەکەدا ژمارەیەکی زۆر کیسی نایلۆن بەسەر هاوونیشتیمانیاندا دابەشکران و زیاتر

 لە 200 کیسی زبڵ و خاشاک کۆکرانەوە.