گۆڤەند محمد، دامەزرێنەری Checke System و براوەی پلەی دووەمی پێشبڕکێی 'بیرۆکەکەم وەبەربهێنە' لە پێشانگەی هایتێکس 2022، چیرۆکی سەرکەوتنی باس دەکات.

گۆڤەند دەڵێت "لە عێراق گەورە بووم، لە شاری هەولێر لە خێزانێکدا کە بە قووڵی لە بواری ئەندازیاری و ئامێرسازیدا ڕۆڵیان هەبووە، من هەمیشە لە دروستکردنی شتی جیاوازدا بە پەرۆش بووم و خولیای دروستکردنی فڕۆکەی بێفڕۆکەوانی بچووکی ئاڕ سی بووم، تەلیسکۆب، مایکرۆسکۆب و ڕۆبۆتی بچووکیم هەبوو."

لە ساڵی 2013دا، هەندێک گۆڕانکاری لە هێزی GPU، سکانکردنی D 3Real-time بە بەکارهێنانی لەیزەر و چاپی 3D، و سی ئێن سی کە وای لێکردم دەست بکەم بە دروستکردنی ئامێر. من زۆر خولیای ئەم کارە بووم هەر بۆیە چووم بۆ ڕاهێنانی تەکنیکی و پیشەیی لە CAD و CAM، فێربووم چۆن ئامێر بەرهەم بهێنم، قالب دروست بکەم، وە دەستم کرد بە بەرهەمهێنانی ئەو دیزاینانەی پێشتر وێنەم دابوو. لە ساڵی 2015دا، خۆم دەستم بە کارکردن کرد، توانیم پشت بە بوودجەی خۆم ببەستم، بۆیە ئیتر پشتم بە بودجەی دایک و باوکم نەبەست.

دوای نەخۆشیی شێرپەنجەی باوکم ناچاربووم زیاتر پشت بەخۆم ببەستم و پشتگیری خێزانەکەم بکەم چونکە من منداڵی گەورەیان بووم.

بینینی کاریگەری شەڕ لەسەر وڵاتەکەمان و بینینی ئەوەی کە چەندین کەسی بێتاوان بە هۆی جەنگەوە بە هۆی بۆمب و مووشەک و مین کەم ئەندام بوون بە هەمیشەیی کەم ئەندام دەبن ئەو یارمەتییە بچووکەی کە لێرەیە بۆ ئەوان وای لێکردم بزانم ئەم بۆشاییە گەورەیە پێویستە پڕ بکرێتەوە، بۆیە من بیرۆکەیەکم بۆ هات کە زانیاری و خولیا و تەکنەلۆجیای من تێکەڵ بکات بۆ یارمەتیدانی ئەوانەی کە پێویستیانە لە ڕێگەی دروستکردنی ئەندامی دەستکرد.

دەستم کرد بە دروستکردنی سیستەمی ئۆتۆماتیکی بۆ خانووە زیرەکەکان و پاشان رۆبۆت و سیستەمی پێشکەوتووتر و پەلی مرۆڤ بۆ لێقەوماوانی جەنگ و کەموکوڕی لە دایک بوون و ڕووداوەکان، بۆیە وەک تەحەدایەک بۆ خۆم بۆ پشتیوانیکردن لەو کەسانە، لە ساڵی 2016 دەستم کرد بە دیزاینکردنی دەست و قاچی دەستکرد و توانیم یەکەم نموونە لە ساڵی 2017 دروست بکەم. دواتر گەشەم بە کارەکەم دا بۆ ئەوەی بەرهەمێک دروست بکەم کە بتوانێت پێشبڕکێ لەگەڵ بەرهەمی دیکە وەك بەرهەمەکانی ئەڵمانیا بکات وەکو دەستە ڕۆبۆتییەکەیان.

سەرەتا دەستم کرد بە دروستکردنی دەست بۆ ئەو کەم ئەندامانەی کە دەستیان نییە و بە شێوەیەک دیزاینم کردووە کە بتوانێت ئەم ئەندامانە چالاکیەکانی ڕۆژانە ئەنجام بدەن، ئەو دەستانە هەستەوەرییەکانی میا بەکاردەهێنن بۆ بەدەستهێنانی زانیاری لە بیرۆکەکانمان و وەرگێڕانی ئەو پاڵنەرانەی کە لەلایەن بڕبڕە دەنێردرێن بۆ ماسولکەکان، من توانیم دەستی دەستکرد دروست بکەم کە چالاکییە بچوکەکانی ژیانی پێ ئەنجام بدرێت بە شێوەیەکی ئاسایی.

لەگەڵ ئەو کۆمەکەی کە لە دەزگای روانگەوە وەرمگرتووە، دەتوانم زیاتر پەرە بە کارەکەم بدەم، شوێنی کارەکەم ڕێکبخەم و چەند ئامێرێکی قورس و چەندین چاپکەری  3D م هەیە، و ژمارەیەکی زۆر کەرەستەی خاو کە پێویستە ڕێکبخرێت. بە یارمەتی دەزگای روانگە، دەتوانم کارەکانم پەرە پێبدەم، کاتی گەیاندن بۆ کڕیارەکان باشتر بکەم، وە بەرهەمەکانم لە ڕووی تەکنیکی و مادییەوە باشتر بکەم.

لە کۆتایدا، من بە شێوەیەکی سەرەکی تیشکم خستە سەر ئەوەی کە ئەو کەمئەندامانە دەستەکانیان بەکاربێنن و هەستێکی کاردانەوەیان هەبێت و سەرنجم خستە سەر کارلێککردن لە کاتی ژیانی ڕۆژانە لەگەڵ ژینگەی دەوروبەر. ئەمە بووە ئەو شتەی کە من چێژم لە خوێندن وەرگرت و سەرنجم خستە سەر ئەوەی زۆرترین کار بکەم و ئامانجیشم ئەوەیە کە باشترین ئەندامی دەستکرد بۆ کەمئەندامەکان لە جیهاندا دروست بکەم بە کردار و هەستی کاردانەوە.