پێشبڕکێی بیرکاری یەکێکە لە پرۆژەکانی دەزگای روانگە بە ئامانجی زیادکردنی توانا و ئارەزووی قوتابیان بۆ بەشە زانستییەکان. پرۆژەکە پێشبڕکێیەک لە نێوان قوتابیانی پۆلی ١٠ی بەشی زانستی قوتابخانەکانی سەرانسەری هەرێمی کوردستان سازدەکات بۆ بەدەستهێنانی نازناوی 'پاڵەوانی بیرکاری' لە سەر ئاستی هەرێمی کوردستان.

ئامانجی پڕۆژەکە هاندانی قوتابیانە بۆ گرنگیدان بە بەشە زانستیەکان و بەرزکردنەوەی  ئاستی هۆشیاری دایک و باوکان سەبارەت بە گرنگی بەشە زانسییەکان. دەزگای روانگە هەوڵدەدات لە رێگەی ئەم پڕۆژەیەوە، ئارەزوی قوتابیان بۆ بەشە زانستییەکان (بەتایبەتی وانەی بیرکاری) زیاد بکات.

قۆناغەکانی پشبڕکێ:

• قۆناغی یەکەم: ٦١٤ قوتابی بە نوێنەرایەتی ٦١٤ قوتابخانەی سەر بە ١١ بەڕێوەبەرایەتی پەروەردەی هەولێر، ١٢ بەڕێوەبەرایەتی پەروەردەی سلێمانی، ١٠ بەڕێوەبەرایەتی پەروەردەی دهۆك، ١ بەڕێوەبەرایەتی پەروەردەی کەرکووك، ١ بەڕێوەبەرایەتی پەروەردەی هەڵەبجە، ٣ بەڕێوەبەرایەتی پەروەردەی گەرمیان. تاقیکردنەوەی یەکەمیان ئەنجامدا و ١٠ قوتابی لە تاقیکردنەوەکە هەڵبژێردران بۆ قۆناغی دووەم.
• قۆناغی دووەم: ١٠ قوتابی تاقیکردنەوی قۆناغی دووەمیان ئەنجامدا و ٦ قوتابی هەڵبژێردران بۆ قۆناغی کۆتایی.
• قۆناغی کۆتایی: قۆناغی کۆتایی لە شاری هەولێر ئەنجامدرا. ٦ قوتابی پیشبڕکێیان کرد بۆ بەدەستهێنانی 'پاڵەوانی بیرکاری لە سەر ئاستی کوردستان. دواتر  براوەکانی یەکەم، دووەم و سێیەم دەستنیشان کران.

براوەکانی پێشبڕکێی بیرکاری ٢٠٢٠:

براوەی یەکەم و پاڵه‌وانی بیرکاری: بلال مسلم محمد – ئامادەیی کوردستان

براوەی دووەم: رێکار هیوا احمد – ئامادەیی کۆلێژی هاوبەشی هەڵەبجەی کوران

براوەی سێیەم: سیزار رێبوار عبدالغفار – ئامادەیی ئاکرێ