دەزگای روانگە بەمەبەستی برەودان به توانای لاوان و دۆزینەوەی بەهرە شاراوەکانیان و شکۆفەکردنی هەستی متمانە بەخۆکردن و وەگەڕخستنی کارامەییە هونەریی و ئەدەبیی و زانستییەکانیان بەرهەمی جۆراوجۆری هونەریی و ئەدەبیی و زانستیی ئەو لاوانەی کوردستان  و عیراق وەردەگرێت کەوا تەمەنیان لەنێوان ١٥- ٢٥ ساڵانە، لە بوارەکانی کورتە چیرۆک )زمانی کوردی)،  کورتە چیرۆک )زمانی عەرەبی)، کورتە فیلم، فۆتۆگرافی، تاکژەنی میوزیک، داهێنانی زانستی، گرافیک دیزاین، وێنەکێشان، دەستپێشخەری کار، هۆنراوە (زمانی کوردی)، هۆنراوە (زمانی عەرەبی)، پڕۆگرامسازی. هەر لاوێکیش بیەوێت بە بەرهەمێکی داهێنراوی خۆی بەشداری ئەو پێشبڕکێیە بکات، دەتوانێت دوای خوێندنەوەی مەرج و رێنماییەکانی تایبەت بە هەر بوارێک لەم بوارانەی سەرەوە بابەتەکەی بنێرێت بۆئەوەی لە رێگەی لیژنەی پسپۆڕەوە هەڵسەنگێندرێت. و دواتریش لە ئاهەنگێکی شایستەدا کە لە کۆتایی ساڵی ٢٠٢٣دا رێکدەخرێت، خەڵاتەکانی روانگە دەبەخشرێتە ئەو کەسانەی کە پلەی یەکەم و دووەم و سێیەمی هەر یەک لە بوارەکانیان بەدەست هێناوە.

بوارەکانی پێشبڕکێ بۆ خەڵاتەکانی روانگە:

·       کورتە چیرۆک (زمانی کوردی)

·       کورتە چیرۆک (زمانی عەرەبی)

·       کورتە فیلم

·       فۆتۆگرافیی

·       تاکژەنی میوزیک

·       داهێنانی زانستی

·       گرافیک دیزاین

·       وێنەکێشان

·       دەستپێشخەری کار

·       هۆنراوە (زمانی کوردی)

·       هۆنراوە (زمانی عەرەبی)

·       پڕۆگرامسازی

كات و رێکەوتەکان:

·       ٥/٣/٢٠٢٣ راگەیاندنی پڕۆژەکە

·       ٥/٣/٢٠٢٣ تاکو ٢٠/٧/٢٠٢٣ پێشکەشکردنی بەرهەمەکان لەلایەن لاوانەوە.

·       ٢٠/٧/٢٠٢٣ تاکو ٢٠/٨/٢٠٢٣ کۆکردنەوە و کۆدکردنی بەرهەمە پێشکەشکراوەکان.

·       ٢٠/٨/٢٠٢٣ تاکو ١/١٠/٢٠٢٣ پڕۆسەی هەڵسەنگاندن و ڕاگەیاندنی پاڵێوراوان.

·       لە کۆتایی ساڵی ٢٠٢٣ رێوڕەسمی ئاهەنگی کۆتایی و راگەیاندنی براوەی یەکەم و دووەم و سێیەمی بوارەکان رێکدەخرێت.

مەرجە گشتییەکان:

• تەمەنی بەشداربوو دەبێ لەنێوان ١٥ تا ٢٥ ساڵدا بێت (تەنیا بۆ بواری دەستپێشخەری کار دەبێ لە نێوان ١٨ بۆ ٢٥ بێت).
• بەرهەمەکەی نابێ پێشتر لە هیچ شوێنێکی تر بڵاو کرابێتەوە یان نمایشکرابێت.
• بەشداربوو دەبێت تەنها بە یەک بەرهەم بەشداری بکات.
• هەر کەسێک دانیشتووى هەرێمی کوردستان وعیراق بێت یاخود خاوەنی رەگەزنامەی عیراقی بێت و دانیشتووی دەرەوەی وڵات  بێت مافی بەشداربوونی هەیە،
• بەرهەمەکە لە رێکەوتی ٥-٣-٢٠٢٣ تاوەکو ٢٠-٧-٢٠٢٣ وەردەگیرێت.
• بەشداربوو دەبێت ئامادەیی تێدابێت بۆ هەر چاوپێکەوتن و لێکۆلینەوەیەکی لیژنەی هەڵسەنگاندن.
• بەشداربوو دەبێت کۆپی ناسنامە و ژمارەی مۆبایڵ و شوێنی نیشتەجێبوون لەگەڵ بەرهەمەکەی بنێرێت.
• دەزگای روانگە مافى بڵاوکردنەوەی بەرهەمە براوەکانی هەیە و دەتوانێت لە هەر کات و شوێن و کەناڵێکی راگەیاندن بڵاوی بکاتەوە، تەنها بۆ کاری بازرگانی نەبێت.

چۆنییەتی پێشکەشکردن:

·       بۆ پێشکەشکردن، لاوانی بەهرەمەند دەبێت بەرهەمەکانیان لە رێگەی فۆڕمی بەشداریکردنی تایبەت بە پڕۆژەکە پێشکەش بکەن و بەرهەمەکانیان بگەیەنن بە ئۆفیسی دەزگای روانگە.

·       ماڵپەڕ: www.rwanga.org/awards

پەیوەندی:

·       ژمارەی مۆبایڵ: ٠٧٥٠٨١٢٢٢٢٩

·       awards@rwanga.org