کتێبی روانگە پرۆژەیەکی ساڵانەی دەزگای روانگەیە و هانی نووسەران دەدات بۆ بەشداریكردن لەڕێگەى نووسین. پڕۆژەكە كێبڕکێیەك سازدەكات لە نێوان نوسەران، لاوان و ئارەزومەندانی نوسین. لە کۆتایی پڕۆژەکەدا باشترین چوار کتێب هەڵدەبژێردرێن و لەسەر ئەرکی دەزگای روانگە دیزاین، چاپ و بڵاودەکرێنەوە.

کتێبە براوەکان بۆ ساڵی ٢٠٢١ لە سەر ئەرکی دەزگای روانگە دیزاین و چاپ کران بە تیراژی ٤٠٠٠ . هەر کتێبێك ١٠٠٠ دانەی لێ چاپدەکرێت بەشێوازی رەنگاورەنگ.  بابەتی کتێبەکان بۆ پرۆژەی کتێبی روانگە ٢٠٢١ دەبێت پەیوەست بن بە پڕۆسەی پەروەردەیی (کێشە و چارەسەرەکان).

بابەتەکانی پڕۆژەی کتێب: 

پێویستە کتێب و لێکۆڵینەوەکان پەیوەست بن بە پرۆسەی پەروەردەیی (کێشە و چارەسەرەکان)،

 بۆ نمونە:

• پەرەسەندنی پەیوەندی مامۆستا و قوتابی و خێزان.
• پەرەسەندنی پەیوەندی قوتابخانە و کۆمەڵگە.
• خوێندنی ئەلیکترۆنی لە نیوان کێشە و چارەسەرەکان و داهاتوودا.
• ژینگەی پەروەردەیی و کاریگەری لەسەر پرۆسەی پەروەردە و فیرکردندا.
• شێوازەکانی وانە گوتنەوەی سەردەمی وپەیوەندی لەگەڵ دەرفەتی کار لە ئایندەدا.
• کتێبی شیعر، رۆمان و شانۆگەری ناچێتە قاڵبی پڕۆژەکە و هەژمار ناکرێت.