پەروەردە و فێرکردن

دەزگای روانگە پڕۆژەی 'پەیامی جگەرگۆشەکان' ڕادەگەیێنێت

Saturday, October 1, 2022 2:47 PM

هەولێر، کوردستان (1ی تشرینی یەکەمی 2022) – دەزگای روانگە بۆ ساڵی دووەم  پڕۆژەی 'پەیامی جگەرگۆشەکان' بە هاوبەشی لەگەڵ پەرلەمانی کوردستان و وەزارەتی پەروەردە ڕادەگەیێنێت بۆ هاندانی قوتابیانی قۆناغی بنەڕەتی بۆ ئەوەی گوزارشت لە بیرۆکە و پەیامی خۆیان بکەن لە رێگەی نەخشاندنی تابلۆ.

 

ئامانج لەپرۆژەکە هاندانی خوێندکارانی پۆلی 1 تا 6ی بنەڕەتییە بۆ دەربڕینی بیروبۆچوون و هەستەکانیان لەشێوەی وێنەکێشان و تابلۆ، بابەتی ئەمساڵ بریتییە لە (پاراستنی ژینگە)،دواتر باشترین 50 تابلۆ لەلایەن لیژنەی هەڵسەنگاندنەوە هەڵدەبژێردرێن.

 

لەدوای ئەوە، باشترین تابلۆ دەستنیشانکراوەکان بە شوێنێکی دیاریکراوی  پەرلەمانی کوردستان بە ناوی قوتابییەکان و قوتابخانەکانیان هەڵدەواسرێن.

 

 

ئەم پڕۆژەیە لە لایەن دەزگای روانگە بە هاوبەشی لەگەڵ پەرلەمانی کوردستان و وەزارەتی پەروەردە ئەنجامدەدرێت.

 

چۆنیەتی بەشداریکردن

  • پێشکەشکردنی بەرهەمەکان بۆ پرۆژەکە لەڕێگەی فۆڕمی بەشداریکردن 

rwanga.org/messages

 

دوا رێکەوتی ناردنی وێنەکان

2022/12/25

  • بۆ زانیاری زیاتر پەیوەندی بەم ژمارەیەی خوارەوە بکە:

07502870222