پەروەردە و فێرکردن
براوەکانی 'پرۆژەی کتێبی روانگە ٢٠٢١' راگەیاندران
لە رێکەوتی ٩ی تەمموزی ٢٠٢١، دەزگای روانگە براوەکانی پرۆژەی کتێبی روانگەی بۆ ساڵی ٢٠٢١ راگەیاند، کە تێیدا چوار کتێب لەلایەن لێژنەی هەڵسەنگاندن بە براوە دەستنیشانکران کە دوو کتێبیان بە زمانی کوردی و دوو کتێب بە زمانی عەرەبییە. کتێبە براوەکان لەسەر ئەستۆی دەزگای روانگە دیزاین، چاپ و بڵاودەکرێنەوە.
کتێبە براوەکان لە سەر ئەرکی دەزگای روانگە چاپدەکرێن و بڵاودەکرێنەوە بە تیراژی ٤٠٠٠ کتێب. هەر کتێبێك ١٠٠٠ دانەی لێ چاپدەکرێت و بەشێوازی رەنگاورەنگ و بڵاودەکرێتەوە.
لە رێگەی پێشبڕکێی کتێبی روانگە ٤٩ کتێب پێشکەشکران. بەشداربووەکان لە ( ٣٧ کوڕ و١٢ کچ) پێکهاتبوون، هەروەها کتێبەکان بە زمانی کوردی و عەرەبی نوسرابوو و لە سەتانسەری پارێزگاکانی عێراق پێشکەشکرابوون.
کتێبە براوەکانی پرۆژەی کتێبی روانگە بۆ ساڵی ٢٠٢١ بریتین لە:
پرۆژەکە لە بەرواری ٢٨ی کانوونی دووەمی ٢٠٢١ راگەیەندرا،و پێشکەشکردن بۆ پرۆژەکە تاوەکو ٢٨ی ئایاری ٢٠٢١ بەردەوام بوو. دواتر لێژنەیەکی شارەزا دیاریکرا بۆ هەڵسەنگاندنی کتێبە پێشکەشکراوەکان و هەڵبژاردنی چوار کتێب.
لێژنەی هەڵسەنگاندنی کتێبەکان بۆ ساڵی ٢٠٢١ پێکهاتبوون لە:
- د.سلوى أحمد امين – سەرۆك بەشی باخچەی منداڵان لە کۆلێژی پەروەدرەی بنەڕەتی
- د.صابر عبداللە – بەڕێوەبەری سەنتەری لێکۆڵینەوە و پەروەردە
- د.ئازاد سمۆ - زانکۆی دهۆك
- د.ِأسامة حامد محمد - دکتۆرا لە کۆلێژی پەروەردە بۆ زانستە مرۆییەکان
- د.عدي بجاي - دکتۆرا لە زانستە کۆمەڵایەتییەکان
- حليمة خليل – سەرپەرشتیاری پەروەردەیی
کتێبی روانگە پرۆژەیەکی ساڵانەی دەزگای روانگەیە و هانی نووسەران دەدات بۆ بەشداریكردن لەرێگەى نووسین. پڕۆژەكە كێبڕکێیەك سازدەكات لە نێوان نوسەران، لاوان و ئارەزومەندانی نوسین. لە کۆتایی پڕۆژەکەدا باشترین چوار کتێب هەڵدەبژێردرێن و لەسەر ئەرکی دەزگای روانگە دیزاین، چاپ و بڵاودەکرێنەوە. شایەنی باسە کە دوو ساڵی رابردوو پڕۆژەکە لەسەر ئاستی هەرێمی کوردستان ئەنجامدرا و ئەمساڵ لە سەرتانسەری پارێزگاکانی عێراق ئەنجامدەدرێت.