دەزگای روانگە بە هاوبەشی ژووری بازرگانی هەرێمی فلاندەرس و بە هەماهەنگی ژووری بازرگانی هەولێر پڕۆژەیەک ئەنجام دەدات بۆ پاڵپشتی کردنی هەناردە کردنی بەرهەمی کشتوکاڵێ نێوخۆیی لە رێگەی ئەنجامدانی ژمارەیەك راهێنان و کۆنگرە بە هەماهەنگی لەگەڵ کەسانی شارەزا لە بواری بەرهەمهێنانی کشتوکاڵێ لە هەرێمی فلاندەرس.

پرۆژەکە بەشێکە لە پرۆژەیەکی گەورەتر کە لە لایەن  Voka  ئەنجام دەدرێت بە مەبەستی گواستنەوەی زانیاری و دروستکردنی هاوکاری لە نێوان فلاندەرس و هەرێمی کوردستان لەم بوارانەی خوارەوە :

-        هەناردە کردن و بەرهەمهێنانی خۆراکی ئۆڕگانیك.
 

-        بەڕێوەبردنی پاشماوە و بەرهەمهێنانی ژینگە دۆستانە.

-        پاڵپشتیکردنی دەستپێشخەری کاری خانمان.

لەم پڕۆژەیەدا، دەزگای روانگە رۆڵی رێکخستنی چالاکییەکان دەگرێتە ئەستۆ لە ژێر بواری ' هەناردە کردن و بەرهەمهێنانی خۆراکی ئۆڕگانیك'.

پێشبینی دەکرێت لەم پرۆژەیە گەشتی لێکۆڵینەوە بۆ فلاندەرس ئەنجام بدرێت لەگەڵ رێکخستنی کۆنگرە و راهێنان لە هەولێر، سەرەڕاوی ئەمەش، لە ماوەی جێبەجێکردنی پرۆژەکە، کۆبوونەوەی لێژنەی ئابووری رێکدەخرێت بەشێوەی ئۆنلاین یاخود فیزیکی و بە بەشداربوونی دەزگا فەرمییەکانی فلاندەرس و کوردستان.   

ماوەی پرۆژە: ئەیلولی ٢٠٢١ تاکو ئابی ٢٠٢٣

کاتی دەستپێکردنی پرۆژە: ئەیلولی ٢٠٢١

شوێن: پارێزگای هەولێر

سوودمەندبووانی ئامانجکراو: خاوەن کار و بازرگانی ناوخۆ و هاوردەکار