ده‌زگای روانگه به‌ هاوبه‌شیی رێكخراوی COSV و پاڵپشتی دارایی یه‌كێتی ئه‌وروپی –  پڕۆژەیەکی ئەنجامدا بە ئامانجی بره‌ودان به‌ گه‌شه‌ی به‌رده‌وام و گشتگیر له‌ هه‌رێمی كوردستان – عیراق. چالاكیه‌كانی (پرۆژه‌ بچوكه‌كانی گوزه‌ران له‌ فورسه‌) له‌ 21 ی ئه‌یلول ی 2017 ده‌ستی پێكرد، به‌ ئامانجی فه‌راهه‌مكردنی هه‌لی زیاتر تایبه‌ت به‌ بیرۆكه‌ی كار و بازرگانی له‌ناو چینی گه‌نجان (له‌ هه‌رسێ كۆمه‌ڵگه‌ی ناوخۆ و ئاواره‌ و په‌نابه‌ر) له‌ هه‌ولێر و دهۆك و سلێمانی (هه‌رێمی كوردستان - عیراق).

پڕۆژەکە لە ٦ قۆناغ پێکهات:

• داواکردن بۆ پڕۆژە
   ٢- هەڵسەنگاندن و هەڵبژاردنی سەرەتایی
   ٣- راهێنان بۆ ١٠ پڕۆژەی ‌هەڵبژێردراو
   ٤- پێشکەشکردنی فۆڕمی بیرۆکەکان
   ٥- هەڵبژاردنی ٤ پرۆژە
   ٦- خەڵاتکردنی ٤ پڕۆژە بەبڕی ١٥ هەزار یۆرۆ لەگەڵ راهێنان و چاودێریکردن

بەرواری ٩ی کانونی دووەمی ٢٠١٨ چوار براوەی پرۆژەکەی راگەیاند. چوار براوەی کۆتایی پڕۆژەکە بریتین لە:

• ناوی       خاوه‌ن  پڕۆژه‌: رێشان حه‌مۆ
   پوخته‌ی بیرۆكه‌: هۆشیاركردنه‌وه‌ی كۆمه‌ڵگە له‌ رێگه‌ی پرۆگرامێكی گاڵته‌ئامێز (ره‌خنه‌ی كۆمیدی) له‌ژێر ناوی (رێشانیزم) كه‌ له‌ ئێستادا به‌رده‌وامه‌ و كاریگه‌ریه‌كی باشی له‌سه‌ر كۆمه‌ڵگە هه‌یه‌.
• ناوی       خاوه‌ن  پڕۆژه‌: زانا مه‌حمود ئه‌حمه‌د
   پوخته‌ی بیرۆكه‌: دروستكردنی پرۆگرامسازی له‌ بواری میدیای ژماره‌یی، ئه‌مه‌ش بۆ به‌ڕێوه‌بردن و رێكخشتنی سه‌كۆكانی كار له‌ تۆڕه‌ كۆمه‌ڵایه‌تیه‌كان به‌ مه‌به‌ستی زیاتر گه‌یشتن به‌ خه‌ڵك و زیادكردنی فرۆشتن.
• ناوی       خاوه‌ن پڕۆژه‌: ساری عبدالله  نه‌جیب
• پوخته‌ی بیرۆكه‌: دروستكردنی كتێبی ده‌نگی و تۆماركردنی كتێبی كوردی بۆ گوێگرتن. ده‌كرێ وتار، گێڕانه‌وه یاخود كتێبی كورتكراوه‌ بێ.
• ناوی       خاوه‌ن  پڕۆژه‌: ماجد شه‌ره‌ف

پوخته‌ی بیرۆكه‌: فراوانكردنی پۆرتاڵێک بۆ رێبه‌ریی دكتۆرانی كوردستان و عێراق به‌ناوی tabibiraq.com. ئه‌مه‌ش به‌ زیادكردنی ژماره‌ی دكتۆران له‌ رێبه‌ره‌كه‌ و زیادكردنی شاره‌كانیتری عێراق و زیادكردنی هه‌ولێر و سلێمانی و دهۆك، هه‌روه‌ها دروستكردنی ئه‌پلیكه‌یشنێك بۆ ئه‌ندرۆید و ئای ئۆ ئێس بۆ دابینكردنی خزمه‌تگوزاریی پۆرتاڵەکە بۆ زیاترین ژماره‌ی پێویست له‌ خه‌ڵك.

• لیژنەی دادوەران پێکهاتبوون لەم شەش دادوەرانەی خوارەوە:
• ١- سەلوان جەمیل زەیتۆ - شارەزای سەربەخۆی بواری میدیا
• ٢- خدر دۆمڵی- شارەزای سەربەخۆی بواری میدیا
• ٣- داستان قادر- بەڕێوەبەری پڕۆژەکان لە دەزگای روانگە
• ٤- کابار فەوزی - نوێنەری رێکخراوی COSV
• ٥- جەرین کاراتاش - رێکخەری راهێنان لە رێکخراوی COSV
• ٦- فادی دینۆ- بەڕێوەبەری پڕۆژەی فورسە لە رێکخراوی COSV
• بۆ دڵنیاکردنەوەی به‌رده‌وامیی پرۆژه‌كان و وه‌كو پاڵپشتیی راوێژكاریی‌، ده‌زگای روانگه‌ بۆ ماوه‌ی ٤ مانگ چاودێری پرۆژه‌كان ده‌كات.