بەمەبەستی سەردان و وەفاداری لەبەرامبەر خزمەتی چەندین ساڵەی چیرۆکنووس مامۆستا (حسێن عارف)، تیمێکی دەزگای روانگە سەردانیان کرد و لەنزیکەوە لە دۆخی تەندروستییان پرسییەوە و هیوای تەندروستی باش و جێگیریان بۆ خواست. جێگەی ئاماژەیە مامۆستا (حسێن عارف) یەکێکە لە دامەزرێنەرانی بزاڤی ئەدەبی روانگە، کە ساڵی ١٩٧٠ لە باشووری کوردستان دامەزرا، روانگە بزاڤێك بوو خاوەن دیدگای نوێخوازانەی تایبەت بوو بۆ رۆشنبیری و ئەدەبی كوردی.
