لە دیدارێکی تایبەتدا، رێزدار سەرۆك (نێچیرڤان بارزانی) پێشوازیی لە ستافی دەزگای روانگە کرد و سوپاس و دەستخۆشی خۆی دەربڕی بۆ ئەو هەوڵە بێوچانانەی کە تیمی دەزگا لە خزمەت کۆمەڵگا و پاڵپشتیکردنی هاونیشتیمانیان ئەنجامیان داوە بەبێ جیاوازی لە ناوچەكانی عێراق و هەرێمی كوردستان دا. راسپاردە و رێنمایی رێزدار سەرۆک (نێچیرڤان بارزانی) بۆ دەزگای روانگە بریتی بوو لە درێژەدان و بەردەوامی دان بەم رێگەی خزمەتکردنە بەبێ هیچ جۆرە جیاکارییەک.
لە میانەی دیدارەکەدا، تیمی دەزگای روانگە کار و پڕۆژەکانی ساڵانی رابردوویان خستەڕوو کە لە بوارە جیاوازەکانی پەروەردە، ژینگە، پشتگیری گەنجان، هاوکاری لێقەوماوان، کولتوور و توێژینەوە جێبەجێکراون. هەروەها ئاماژەیان بە پلانی کاری داهاتوو کرد کە ئامانج لێی بەردەوامیدانە بە خزمەتکردنی کۆمەڵگا لە عێراق و هەرێمی کوردستان دا.
دەزگای روانگە سوپاسی سەرۆک (نێچیرڤان بارزانی) دەکات بۆ ئەم پشتگیریە بەهادارە و بەڵێن دەدات کە بەردەوام دەبێت لە کارکردن بە هەموو توانای خۆی بۆ دروستکردنی کاریگەری ئەرێنی لە ژیانی هاونیشتیمانیان.
هەولێر
