نۆژەنکردنەوەی قوتابخانەی شەهید ادریس بارزانی لە ئیدارەی سەربەخۆی زاخۆ

دەزگای روانگە لە چوارچێوەی سێکتەری پەروەردە قوتابخانەی شەهید ادریس بارزانی لە ئیدارەی سەربەخۆی زاخۆ نۆژەن کردەوە. قوتابخانەکە لە ساڵی ٢٠١١ بنیاتنراوە و هەردوو قوتابخانەی ئامادەیی شەهید ادریس بارزانی کچان و لۆشانی بنەڕەتی تێکەڵاو لە خۆ دەگرێت. قوتابخانەکە لە ٣٠ پۆلی خوێندن پێکدێت و ناوەندی فێربوونی ٢٣٢٢ قوتابیی و خوێندکارە و گەورەترین خوێندنگەیە لە ئیدارەی سەربەخۆی زاخۆ.

پرۆسەی نۆژەنکردنەوەکە بریتی بوو لە چاککردنەوە و گۆڕینی هەموو ئەو پێداویستییانەی کە ڕاستەوخۆ کاریگەریان لەسەر ژینگەی خوێندن و تەندروستی قوتابییانی قوتابخانەکە هەیە لە وانە، رەنگ کردن و بۆیاخ کردنی قوتابخانەکە، چاککردن و گۆڕینی سیستەمی ئاو و ئاوەڕۆ و دەست شۆر و ڕێڕەوی هاتووچۆی قوتابییان، لە هەمان کاتدا نۆژەنکردنەوەی سیستەمی کارەبا و ڕووناکی باڵەخانەکە و سەقفی پۆلەکانی خوێندن و هۆڵی قوتابخانەکە کە تووشی داڕمان هاتبوو.

وردەکاریی نۆژەنکردنەوەکە

• چاککردنەوەی لەبخ و گەچی بیناکە بە گشتی

• گۆڕین و نۆژەنکردنەوەی سیستەمی ئاو و ئاوەڕۆ

• پاککردنەوەی ناوەوە و دەرەوەی قوتابخانەکە

• دروستکردنی ڕاگری کۆنکرێتی پاڵپشت

• نۆژەنکردنەوە و چاککردنی کڵاوڕۆژنە و سەقفی پۆلی قوتابخانەکە

• نۆژەنکردنەوە و گۆڕینی ٦٠ دەرگای داری و دەرگای پلاستیکی

• دروست کردنی قادرمە و پاڕەو

• دانان و گۆڕینی کاشی سیرامیکی زەوی و دیواری دەست شۆرەکان

• گۆڕینی ٤٣٥ سویچ پلاکی کارەبا

• بەستنی  ٦٢٠ گڵۆپی لید

• بەستنی ١٨٦  پانکە و هەواگۆڕ

• نۆژەنکردنەوەی دەست شۆرەکان  و دابینکردنی تەواوی پێداویستییەکان

• بۆیاخ کردنی  ١٢،٠٠٠ هەزار مەتر دووجای ناوەوە و دەرەوەی باڵەخانەی قوتابخانەکە