پرۆژێ لاوێن خۆبەخش ٢٠٢٠

دەزگەهێ روانگە ب هەڤکاری دگەل تلەفزیونا وار پڕۆژێ 'لاوێن خۆبەخش' ل پارێزگەها دهوکێ رادگەهینیت، دا کو لاوێن کور وکچ هانبدەت بۆ پێشکێشکرنا پێشنیارێن پرۆژان بۆ بەشداریکرن د پێشبڕکیێ دا کو دێ هێتە دراڤکرن ژ لایێ دەزگەهێ روانگەڤە ژبۆ بجهـ ئینان پڕۆژێن خو بۆ خزمەتکرنا جڤاکی ب ئاوایەکێ باشتر.

پشتی بدوماهیک هاتنا ماوێ پێشکێشکرنێ، لیژنەکا پێکهاتی ژ چەند کەسێن تایبەتمەند دێ باشترین دە‌هـ پرۆژان هەلبژێرن و دێ هێنە تومارکرن و ل سەر شاشا تلەفزیونا وار هێتە پەخشکرن برێیا پرۆگرامەکێ تایبەت.

بابەتێن پرۆژێ لاوێن خۆبەخش ٢٠٢٠

پلانێن پرۆژەی دڤێت د چارچوڤێ ڤان سەکتەراندا بیت

•  پەروەردە
•   گەنج 
•   کەسێن لێقەومای
  
•   ژینگە  
  

ئارمانجا پرۆژەی

•  بەلاڤکرنا هزرو روحا خوبەخشیێ د ناڤ تەخا گەنجاندا
•  مفاداربون ژ هێزا گەنجان د خزمەتکرنا کومەلگەهێ دا 
•  پالپشتیا گەنجان د دیارکرنا دەستپێشخەریێن وان   

دەم و بەروار

• 1/8/2020 تاکو 1/9/2020 ماوێ پێشکێشکرنا پرۆژەیان. (31 ڕۆژ)
• 1/9/2020 تاکو 14/9/2020 هەڵسەنگاندن و هەڵبژارتنا پرۆژێن پێشکێشکری. 
• 15/9/2020 تاکو 28/2/2021 ئەنجامدانا دەستپێشخەریان
  

• رێورەسمێن دیارکرن و بدوماهیک ئینانا پرۆژەیان دێ ل 28/2/2021 هێتە ئەنجامدان

  
  

مەرجێن بەشداربوونێ

•  پڕۆژە دڤێت ل سەر بنەمایێن کارێ خۆبەخشیی بێت و ب کێماتی سودمەندیێ بگە هینتە 100 کەسان دناڤ جڤاکی دا.

•  هەر گروپێکێ خۆبەخشی دڤێت 8 تا 12 خوبەخشان پێکهاتبیت کو ژیێ وان دناڤ بەرا 15 تا 35 سالیێ دا بیت.

• تێچوویێ گشتی یێ هەر پڕۆژەیەکی نابێت ژ 1000 دولارێ ئەمریکی زێدەتر بیت. 

•  ئەو گروپێن کو ژ هەردوو ڕەگەزێن نێر و مێ پێکدهێن دێ گرنگی زێدەتر پێهێتە دان. 

•  ئەو گروپێن کو کەسانێن خودان پێویستێن تایبەت دێ گرنگی زێدەتر پێهێتە دان. 

• گروپێن خۆبەخش نابیت نوێنەراتیا هیچ ڕێکخراوەکا حکومی یان نەحکومی یان هەر دەزگەهەکێ دی تر بکەن. 

• پێشنیارێن پڕۆژان دڤیت پێک بهێت ژ هزرا پرۆژەی و نڤێسینا زانیاریێن پرۆژەی هەروسا زانیاریێن دارای (بودجا خەمڵێندراوا پڕۆژەی) و وێنە و یان هەر دۆکیومێنتەکا دی وەکو نەخشە و دیزاین و ڕەزامەندی گەر پێتڤی بوو ل گەڵ دابیت. 

• بودجا پڕۆژەی نابێت هیچ جۆرە مووچە یان پاداشتەکا ماددی بۆ خۆبەخشان تێدا بیت، ژبەرکو  دەستپێشخەری  ل سەر بنەمایێ کارێ خۆبەخشییە. 

• پێشنیارێن پروژەیان دڤێت بکەڤنە بن ئێک ژ چار سەکتەرێن سەراکی یێن دەزگە‌هێ روانگە ڤە (پەروەردە، گەنج، ژینگە، کەسێن لێقەومای). 

• ماوێ ئەنجامدان و بجهئینانِا پرۆژەی نابیت ژ حەفت ڕۆژان بوریت. 

• لژنەیەکا تایبەتمەند دێ پێداچوونێ  ل سەر دەستپێشخەریێن پێشکێشکری کەت  و دەهـ باشترین دەستپێشخەریان هەڵبژێریت و پاڵپشتیا دراڤی بۆ هێتە کرن.