president Profile
ادریس نێچیرڤان ادریس سەرۆک و دامەزرێنەر
سەرۆك و دامەزرێنەر

ادریس نێچیرڤان ادریس ، یه‌کێکه له چالاکوان و ژینگەپارێزه پێشەنگەکان لە هەرێمی کوردستانی عێراق. لە ساڵی ٢٠١٣ دەزگای روانگەی دامەزراند بە مەبەستی دابینکردنی ده‌لیڤه‌ی خوێندن و په‌روه‌رده  بۆ هەموو منداڵانی هه‌رێمی کوردستان. دوای دامه‌زراندنی، دەزگای روانگە پڕۆژە و دەستپێشخەرییەکانی  فراوانتر بوون بە جۆرێك کە گەشەپێدانی ئابووری، تواناسازی لاوان، پاراستنی ژینگە، کاری خێرخوازی و چه‌ندین بواری دیکه له خۆ ده‌گرێت.  زیاتر له سێ ملیۆن که‌س، له نێویاندا ئاواره‌ و په‌نابه‌ر، سوودمه‌ندبوون له چالاکییه‌کانی دەزگا و دەستپێشخەریەکانی به‌ڕێز ئیدریس نێچیرڤان.

لە بواری ژینگه‌پارێزیدا، دەستپێشخەرییەکانی دامه‌زرێنه‌ری روانگه پڕۆژه‌ی داهێنه‌رانه‌ له‌خۆ ده‌گرێت بۆ پاراستنی ژینگه‌ی هه‌رێمی کوردستان و سنووردارکردنی زیانه‌کانی گۆڕانی که‌ش و هه‌وا.

ئیدریس نێچیرڤان هه‌روه‌‌ها راوێژکاری زانکۆی کوردستان – هەولێرە، کە یەکەمین زانکۆیه له‌سه‌ر ئاستی هه‌رێمی کوردستان و عێراق خوێندن تیایدا به زمانی ئینگلیزی بێت.

پەیام و ئەرکمان


دەزگای روانگە دەزگایەکی ناحکومییە و کۆششدەکات بۆ هێنانەدی جیهانێک کە هەموو تاکێک دەستیبگات بە پەروەردەیەکی جۆری. هەروەها ئەرکی پێشکەشکردنی خزمەتگوزاری و پەرەدان بە توانا و داڕشتنی نەخشەسازی پەیڕەوە، تاوەکو دڵنیابێت لە بەشداری کردنی هەموو کەسێک لە پەروەردەیەکی تەندروست، لە هەمانکاتیشدا گەشە بە بواری فراوانی پەروەردە دەدات لە جیهان بەگشتی و کوردستان و عێراق بەتایبەتی.

ئامانجی ستراتیژی روانگە بریتیە لە پەرەپێدان بەو سەکۆیانەی کە گەنجان دەتوانن بەهرە و توانای شاراوەی خۆیان تیادا بدۆزنەوە، ناساندنی نوێترین تەکنەلۆجیا بەتایبەتی سیستەمی فێربوونی سەرهێڵ (ئۆنڵاین) بۆ پرۆسەی پەروەردە، تاوەکو ئاستی پەروەردە بۆ پێوەرە نێودەوڵەتیەکان بەرزبکاتەوە، هەروەها دروستکردنی کلتور و ئارەزووە بۆ خوێندن لە نێوان گەنجاندا.

دەزگای روانگە نوسینگەی سەرەکی لە هەولێرە و لە ئەیلولی ٢٠١٣ بەشێوەیەکی فەرمی لەسەرانسەری عێڕاق دەستیکردوە بە ئەنجامدانی چالاکییەکانی لە چوار بواری سەرەکی ئەوانیش کە پێکهاتوون لە ( پەروەردە، لاوان، ژینگە، کەسانی لێقەوماو).

پەیام و ئەرکمان

 ئەرکی روانگە ​ئەرکی دەزگای روانگە دابینکردنی خزمەتگوزاری و گەشەپێدانی تواناکان و نەخشەسازی پەیرەوە، بەمەبەستی ئاسانکردنی دەرفەتی پەروەردە و بەهێزکردنی ئاستی پەروەردە لە کوردستان و لە جیهاندا.
پەیامی روانگە جیهانێك کە تیایدا ئاستێکی پەروەردەی شیاو بەردەستبێت بۆ هەمووان  




پرۆژەکانمان

پەروەردە و فێرکردن

30 پرۆژەکان

پەروەردە و فێرکردن لە فەرهەنگى روانگە دا، لە ناوەندە ئەکادیمییە بنچینەییەکانى وەک قوتابخانە وزانکۆکان فرە رەهەند ترە. هێزێکی گۆڕانکارییە، کە لە چوارچێوەى ناوەندە ئەکادیمییەکان قەتیس نەبووە، بەڵکو کاریگەرییەکی ڕاستەوخۆ لەسەر ژیانی ڕۆژانەی تاک جێدەهێڵێت. دەزگای روانگە، ئامانجی بەرەوپێشبردنی ژیانی هەر تاکێکە بۆ گەشتێکى بەردەوام لە فێربوون, لە جیهانێک کە پەروەردە تاکە ئامرازێک نیە بۆ بەرەوپێشچوون ، بەڵکو ئاوازێکى بەردەوامە بۆ ژیان.، کە لە ڕێڕەوەکانی کاتدا شەپۆل دەدات. لەم بەشەدا ئێمە فێربوونی پراکتیکی بەرجەستە دەکەین بۆباشتر کردنی ژیانی تاک و کۆمەڵگا.

لاوان

58 پرۆژەکان

لاوان هێزى گەشەپێدانی ئەمرۆ و داهاتوون ، پاڵنەرى سەرەکیین بۆ داهاتوویەکى ئومێدبەخش، سەرکردەى ئەمرۆ و رێنیشاندەرى ڕیگایەکی پڕ وزە و گەشەسەندوون.دەزگای روانگە لاوان لە کۆمەڵگەی ئەمڕۆدا بەشداری پێدەکات، پەروەردەیان دەکات و زەمینەىەکی لەبار و تەندروستیان بۆ دەرەخسێنێت. هەر لە ڕێگەی ئەم ڕێبازە گشتگیرەوە مەشخەڵی پەروەردە و زانست لە نەوەیەکەوە بۆ نەوەیەکی دیکە دەگوازینەوە. لەم نێوەندەدا ‌به‌شداریپێكردنی لاوان له ‌کایەکانى كۆمه‌ڵگه‌دا له‌پاڵئه‌وه‌ی كه‌ گرنگه ‌به‌ڵكو پێویستیشه‌، به‌مه‌به‌ستی به‌هێزكردن و رێنوێنی كردنیان به‌باشترین شێوه‌ بۆ بوون بە سەرکردەی داهاتووی کۆمەڵگا.

ژینگە

10 پرۆژەکان

ژینگە، کێشەیەکی سەرەکی جیهانی یە ، دەزگاى روانگە پابەندبوونى خۆى بۆ ئەم پرسە دووپاتکردووەتەوە. به‌شێوه‌یه‌كی کارامە و لەرێگەى پرۆژەکانیەوە وەک کارایەکی کاریگەر لە پاراستن و پاكڕاگرتنی ژینگەى هەسارەکەمان کاردەکات. دەزگای روانگه‌ وەک ناوەندێک، له‌رێگای دارشتنى ستراتیژى نوی و سەردەمیانەى تایبەت بە ژینگە، به‌رنامه‌ی به‌رزكردنه‌وه‌ی ئاستی هۆشیاری، بڵاوكردنه‌وه‌ی خزمه‌تگوزاری گشتی و دابین كردنی پێویستیه ‌سەرەکی یەکان، هەوڵى چارەسەری ئەو گۆڕانکاریە نەرێنیانە دەدات کە رووبەرووى ژینگە بوەتەوە، ئەم هەنگاوانەش بەهاوئاهەنگى و یارمەتى هەموو لایەنە گشتگیرەکانى کۆمەڵگا ئەنجام دەدرێت.

کەسانی لێقەوماو

17 پرۆژەکان

بیهێنە بەرچاوت جیهانێک کە هەژارى و ترس هەرەشە نەبن بۆ رێچکەى گەیشتن بە فێربوون و زانین، دەزگای روانگە لەم نێوەندەدا وەک چرایەکی پڕ لە هیوا دەگەشیتەوە، باوەشێکى پڕ سۆز دەبێت بۆ هەژاران و دەستى ژیانەوە دەبێت بۆ لێقەوماوان. ئەرکى بێوچانی روانگە تەنها مانەوەی ئەو کەسانە نیە لەژیان، بەڵکو هێزى یارمەتیدان و هاوکاریانە بۆ وێنەکێشانی رێگایەک بەرەو پەروەردە و پەرەپێدان بە کارامەییەکانى ژیان و خۆدۆزیینەوە لە گۆشەکانی نائومێدى و هەنگاونان بۆ گەشەپێدان و گەش بوونەوە . دەزگای روانگە هاوڕێیەکی بەوەفایە بۆ ڕێنمایی کردن و هاوکاری کردنی تاکەکان بەرەو گەشتی گۆڕانکاریی و فێربوون.